Ar 1 Gorffennaf 2019, daeth Canolfan Ragoriaeth Cymru ar gyfer Treulio Anaerobig PDC yn aelod o bartneriaeth gydweithredol rhwng Prifysgolion Aberystwyth, Bangor ac Abertawe a Phrifysgol De Cymru gan weithio ym maes trosi biomas a biowastraff yn gynhyrchion bio-seiliedig gyda chymwysiadau masnachol.

Mae Beacon yn bennaf yn helpu busnesau Cymreig i archwilio cyfleoedd bio-seiliedig ar gyfer twf trwy ddarparu mynediad at offer arbenigol eang ac arbenigedd gwyddonol yn ein pedwar sefydliad partner.

Gallwn helpu:

• Busnesau i roi gwerth ar eu ffrydiau gwastraff, gan ennill gwerth ychwanegol o sgil-gynhyrchion eu prosesau gweithgynhyrchu
• Y diwydiannau Adeiladu, Pecynnu a Gweithgynhyrchu trwy ddatblygu deunyddiau biogyfansawdd newydd
• Y diwydiant Biowyddoniaeth trwy ddatblygu systemau a thechnolegau microbaidd neu ensymau newydd ar gyfer prosesu biomas
• Y diwydiant cemegol drwy ddarparu ffynonellau newydd o gemegau ‘gwyrdd’
• Cynhyrchwyr tanwydd drwy gynnig tanwydd ‘gwyrdd’, sy’n effeithio ar y Rhwymedigaeth Tanwydd Cludiant Adnewyddadwy (RTFO) a lleihau allyriadau carbon
• Cynhyrchwyr ynni trwy dreialu gwahanol stociau porthiant a chnydau bio-ynni
• Cymunedau gwledig trwy gymhwyso technoleg bioburfa i brosesu cnydau nad ydynt yn fwyd

Gall partneriaid BEACON ymgymryd â:

• Ffurfio biogyfansoddion newydd
• Allwthio/bioblastigau
• Cemegau/cymwysiadau newydd
• Peirianneg fetabolaidd murumau
• Modelu protein fel ensymau newydd, e.e. ar gyfer diwydiant bwyd neu fiobrosesu

Mae Canolfan TA Cymru yn PDC yn canolbwyntio ar atebion technolegol ar gyfer:

• Trosiadau biolegol defnyddiau yn danwydd, polymerau, rhan-gynnyrch neu gynhyrchion newydd
• Optimeiddio prosesau biodrosi diwydiannol
• Integreiddio gwerth ychwanegol â diwydiannau allweddol eraill (e.e. ynni adnewyddadwy a’r sector cemegol a phlastigau gwyrdd)

Prosiect partners:

Ariennir y prosiect gan Gronfa Datblygu Rhanbarthol Ewrop